1. |
ai mamà
03:16
|
|||
dedins la forèst
i a un riu que raja (bis)
Ai mamà se sabiás
Coma lo riu fasiá enveja
Ai mamà se sabiás
Coma lei gens se son recampats
volián tot crompar
la tèrra e leis aubres (bis)
repic
volián tot copar
dedins lo boscatge (bis)
repic
volián assecar
lo Tescon sauvatge (bis)
repic
volián far bastir
la granda restanca
volián abeurar
sei camps sus d’ectaras
se son arrenjats
an fach sei magolhas
mamà se sabiás
coma an cercat garrolha
repic
se’n son avisats
de jovents sens crenta (bis)
repic
se son enterrats
per empachar lo chaple (bis)
repic
lei mes an passat
an mandat l’armada (bis)
repic
lei crids d’un costat
de l’autre lei granadas (bis)
dedins la forèst
i a de plors que rajan
dedins la forèst
an fach tombar lo fraisse
Ai mamà oblidem pas
Lo nom dau paure Remi Fraisse
Ai mamà oblidem pas
Lo nom d’un jove sacrificat
|
||||
2. |
soleu d'argent
04:35
|
|||
Se leis estèlas son lusentas
Emai lo soleu es d'argent
Leis uèlhs polits de tu amiga
De mon caleu son lo sorgent
soleu...
l'a de gens que fan l'amor
e fau que siegue lèu
l'a de temps per far la corsa
e siáu pas tròp lèste
ai de sau dedins mon còr
e siás en colèra...
farem virar nòstei misèrias
sus lo betum de Laputà
e lo ferum deis isclas volantas
per lei carrièras de Calcutà
farem tirar leis emisfèris
e lo ponent se levarà
farem tirar leis emisfèris
e lo trelutz tremontarà
farem lo torn de la tèrra
luenh de l'odor de la guèrra
aurem lo gost de l'amar
e lo chuc de l'amor
just au bòrd de la mar e encara...
e leis espèrs dei maires negadas
vendràn dançar sus lo Golgotà
repic
sus la mar e dins lo cèu
farem lo torn de la tèrra
ﺑﻠﺪﻧﺎ ﺑﻌﻴﺪ
ﺍﺣﻨﺎ ﺍﻟﺰﻫﺮة
وردة ﺍﻟﺤﺮﻳﺔ
coma un sòmi espandit dins lo desèrt
luenh dei país d'arroinas
traversarem la mar
coma lo pòple lapità
e leis enfants qu'an pas vist
la riba de Melliehà
se faràn bastir de dralhas polidas
per lei viatjaires qu'an capitat
se lei ribièras son calentas
e lei valats son de sorgents
leis uèlhs polits dei fremas valentas
faràn lusir nòstei torments
|
||||
3. |
manténguer riòta
04:07
|
|||
B’es plan vertat qu’es causa urosa
De pescar quan l’aiga es trebosa
E mès vau èster pescatèr
Que hotjador, ni saumatèr.
Non que jo lause lo triquet
D’aqueths qui pescan dab l’anquet
Mès la pena jo tròbi doça,
Pescar dehens ua bona borsa.
Anga donca la patz adromida
E per tostemps sia sepelida.
Visca l’arreproèr qui tròta:
Diu volha manténguer riòta.
Mentre que la canhòta cauda
La tèrra assecarada escauda
E l’arromic guarnish sa clòta.
Diu volha manténguer riòta.
Plus non vau héner las vivèras,
Ni plus podar las vidauguèras
Damb nòstes auloms maridadas;
Aqueras causas èi leishadas
Per quauque mardan, o cajòc;
Lo pauhic n’es ara mon jòc;
Peus palhats har la candeleta
N’es pas ma delectacion dreta.
Jo son content qu’au còr d’estiu
Haçan, peu bèth arrajadiu,
Exercici aus quate pipòts,
Aqueths adobadors capòts.
Anga lo picòish, e la gorra;
Venga per mi la sorra-borra;
Lo parrabist e parrabast
Sia ma noiritud, e mon past.
repic
Lo paraman e lo cluquet,
e croscar los ueus au truquet,
A quate pegassòts sautar
Nòtz boharòtas enclotar,
Las naus mans, l’auqueta panada,
La pèira esconuda e celada,
La bombombaina e lo pelitre,
Me plasèn quan èri belitre.
Badic-badòc que’t cai dessús,
Aqueth jòc non m’agrada plus,
Ten-te plan a l’esparbalhada,
Aquí passa temps la mainada.
Enqüara mens mon còr s’aplica
A la gran penassa rustica;
Mon cas es ara sens gran pena:
Portar la coa de padena
repic
Mon cas es ara sens gran pena:
Portar la coa de padena
Jo son vengut deu pas au tròt,
Damb lo lin èi cambiat lo bòt;
Jo n’enduri hame ni set,
Devath un mandilh d’arroset
Hèit e tescut de peu de craba
Que jo non presi pas ua raba.
Ara, d’esclòps desgansolats,
Los mens pès non van abilhats.
Au lòc d’un petapruet, pòrti
Lo gròs pototom, quan jo sòrti
De la barraca, on èi, sens clau,
Ubèrt las caishas; e quan plau,
Ma garramacha es bona bòta.
Diu volha manténguer riòta.
repic
|
||||
4. |
cambarada
03:59
|
|||
Ai vist nàisser la flor dins lo Rojavà
Sentiá l'espèr cambarada
Sos lei jacarandàs
Lei fremas e leis òmes man dins la man
Cantavan toei cambarada
D'istòrias de libertat
Mai onte s'espelisse lo desliurat
I a sempre d’armas sornas per l'empachar
Que siegue a Kobanê vò a Ramallah
Volèm la veritat per lo paure Adamà
Pertot onte l'argent a valor de lei
Pertot onte la justícia es afar d'eleit
Quand sempre la polícia manda lo baston
I aurà de joines liures per li dire non
Pertot onte l'uman es encara esclau
Pertot onte l'estat nos a raubat la clau
I aurà 'na belugueta per abrar lo camin
Se fau que moriguem sos lo jaussemin
Ailà detràs lei mars e leis orizonts
De familhas entièras mòron sens rason
Quau leis ajuda aquí risca la preson
Es la preson cambarada,
Delicte d'umanitat
Es la lei vergonhosa de l'estat nacion
L'estat nacion cambarada,
Nautrei ne'n volèm pas!
Per rendre sei ribièras ai Lakotah
Per arrestar lo chaple de Papuà
Per veire Palestina viure dins la patz
Se mascarem la cara
Coma va fan au Chiapàs
Ai vist nàisser la flor dins cada retrach
Sentiá l'espèr cambarada
Sos lei jacarandàs
|
||||
5. |
veguèri l'auba
04:27
|
|||
Veguèri l'auba
Sus un campèstre d'arroinas
Veguèri l'èstre
Rosigat dins sa rauba traucada
Veguèri l'astre
Ponchejar a mon èstra rauca
Venguèri ieu
Sens armadura lèst
encara vius per quant de temps
la cara voida vivèm tròp lèu
volèm tròp tot
l’òme encara vei d’animaus vius
per quant de temps
quau cuèlh encara
la frucha plena
volèm tròp tot e l’ora vira
avèm lo saber tant
e l’oblidam vò lo negam
dins lo voler e lo subran
encara vius per quant de temps
la cara voida vivèm tròp lèu
bastissèm pus que per bastir
e corrèm darrièr lo temps perdut
repic
quau sentís l’aire
per lo plaser quau a lo léser
de viure simple
volèm l’odor volèm lo gost
volèm lo temps mai quand l’avèm
lo vivèm pus
avèm lo viure rot
e l’aiga linda raja per
quant de temps
sota la rota per quant de gotas
es dins ton uèlh
es dins ta man
es lo ralh de lentor
es lo luenh que ven d’ora
es lo vent de Ventorn
que t’envòuta
UÈI es tu
que cuèlhes tu
senon la frucha de deman
de tei mans de lucha
UÈI es lutz
repic
|
Streaming and Download help
If you like uèi, you may also like:
Bandcamp Daily your guide to the world of Bandcamp